غرد احد الإعلاميين من مدينة نيالا بولاية جنوب دارفور عن بائع الليمون الذي يتمنى دراسة الطب:
الطفل دا اخ لتسعة اخوان وكلهم أيتام شغال في السوق بفرش ليمون شغال رزق اليوم باليوم حتي اخوانو الصغار فارشين بفرشو جنبو في ايام العطل علشان يصرف علي اخوانو في البيت اخوانو كلهم شاطرين شديد اسرتو وضعهم اصعب من صعب
الكلام عن يطول عموما انتظروني معاهو في فيديو
ندا لكل الناس و فاعلين الخير خلونا نقيف مع عبدالرحمن عبدالرحمن ورماز كلهم نوابغ لكن ظروف الحياة خانتم)
وتفاعل رواد التواصل مع المنشور وكتب احدهم :
النجاح سمح وطعمة أجمل عندما يأتي من شخ مكافح أمثال هذا الشبل. ربنا يوفقك ويذيدك علم ويوفقك كمان وكمان
وعلق اخر :
جزاكم الله خير
بس في نقطه مهمه شديد
ليه كل المؤسسات الكبيره اهتمت واتبنت اوائل الشهاده االسودانيه ديل ناس تعبوا واجتهدوا بمجهودم الخاص
طيب انتو ماتشجعوا الفئات البسيطه الواقفه في الشمس والاستوبات بيبيعوا المناديل والليمون و و و …. مابتمشي مدارس بحثا عن الرزق ورزق اليوم باليوم وهم اطفال
وكما يقول عليهم المجتمع فاااااقد تربوي
ماتساهموا في دخولهم المدارس
ادفعوا ليهم الرسوم الدراسيه
ابحثوا عن اهلهم وظيفوهم ولو عمال نضافه حراسه مراسيل وغيرها
ليه الناس ما تتعاون مع ديل
كده البركه بتنزل في المال والاولاد
وبترفعوا البلاء الفي البلاد
ربنا يصلح حال العباد والبلاد
