شوتايم نيوز

تسليم ( ٤٦٨) من قوات الدعم السريع المتمردة أنفسهم للقوات المسلحة

كادقلي :شوتايم نيوز

انسلخ عدد سبعة (٧) ضابطا برتبة نقيب و(٤٦٨) جنديا اليوم من قوات الدعم السريع وتسليم انفسهم لقيادة الفرقة (١٤) مشاة اللواء (٥٥) كادقلي .

واكد قائد الفرقة الرابعة عشر مشاة اللواء الركن فيصل مختار الساير ان انسلاخ القوة من قوات الدعم السريع وانضمامهم لقوات الشعب المسلحة استجابة لنداء القائد العام للقوات المسلحة السودانية الفريق اول ركن عبدالفتاح البرهان وتحكيما لصوت العقل.

وقال الساير حسب سونا ان المعركة ليست ضد قوات الدعم السريع انما هى صراع للافكار من عائلة المتمرد دقلو وجزء من المأجورين مؤكدا بان الهدف من الحرب تفكيك السودان الى دويلات. واضاف القوات المسلحة قادرة لحسم كل عدو يتربص بتراب هذا الوطن ومكتسباته.

من جانبه اشاد العميد الركن محمد علي فضل الله قائد اللواء ٥٥ بالقوة التى استجابت لصوت العقل ونداء القائد العام والانضمام لقوات الشعب المسلحة مناشدا البقية ايضا بتحكيم العقل من أجل مصلحة البلاد.

#السودان
#القوات_المسلحة_السودانية #الجيش_السوداني #الخرطوم

شهدت  مدينة الفاشر حاضرة  شمال دارفور ( حي القبه شمال ) مساء أمس الأثنين الموافق ١ مايو ٢٠٢٣م حادث أليم  من قبل طليق ابنة إحدى العائلات   إذ قام بتنفيذ عملية غير معتادة غدرا بالرصاص الحي على أسرة كاملة ذلك  بسبب الخلافات العائلية بينهم  كانت نتيجتها  الطلاق ، مما أدى إلى مقتل والد ووالدة طليقته واختها الصغرى فيما أصيب آخرين تم نقلهم لتلقى العلاج .وقد توفي على الفور كل من

الاب  محمد ادم بشير الملقب (ابلكيلك جنين)

الام  عائشة عثمان

والإبنة الصغري صفاء محمدادم بشير

أما الجرحي

الإبن الأكبر /  سمير محمد ادم بشير

طليقة الجاني / سناء محمد ادم بشير

فيما قامت جهات التحقيق باتخاذ الإجراءات القانونية اللازمة حيال الواقعة وظروفها وملابساتها.

ثلاثة فئات يمكنها السفر عبر رحلات الاجلاء من السودان

الخرطوم:شوتايم نيوز

رداً على استفسارات الكثير من متابعي مجلة طيران بلدنا حول الذين تشملهم رحلات الاجلاء من السودان عبر مطاري بورتسودان ووادي سيدنا وبحسب غرفة العمليات فإنها تشمل ثلاثة فئات.

الفئة الأولى حملت الجوازات الأجنبية الذين لهم الأولوية في السفر بواسطة سفاراتهم، والجدير بالذكر أن السفارات الأجنبية بالسودان مسؤولة عن التنظيم والموافقات.

أما الفئة الثانية حملت الجوازات والمقيمين في الدول المعنية وتحديداً السودانيين المقيمين في الدول المعنية والمتزوجين من ذات الدول ولديهم اقامات .

وأخيراً الفئة الثالثة وتتمثل في الأجانب من حملة الجنسيات الأجنبية مع اشتراط موافقة من دولهم او السفارة المعنية.

علماً بأن شركتي تاركو وبدر تشاركان في عمليات الاجلاء إلى أربعة دول أفريقية، آسيوية، وأوربية.

جمارك ولاية الجزيرة تفتح مقارها وتقدم خدماتها للقادمين من الخرطوم لحاضرة الولاية ودمدني

تنفيذا لتوجهات السيدمدير قوات الجمارك السيدالفريق شرطة حسب الكريم آدم النور فتحت جمارك ولاية الجزيرة مقراتها لسكن القادمين للولاية من الخرطوم وإشراف السيداللواء ياسر صديق مدير دائرة التوجيه والخدمات برئاسة الجمارك والسيدالعميد بشيرعيسي بشير مديرجمارك الولاية تم إستقبال عدد من الأسر واستضافتهم في مساكن الجمارك وتقديم الخدمات التي تعينهم

وأكد اللواءياسرصديق ان العمل يسير بصورة ممتازة بتضافر الجهودالمبذولة من كل العاملين بالجمارك ومكافحة التهريب بالولاية ووهو عمل واجب علينا في ظل هذه الظروف تحت خطة الجمارك ضمن مسؤوليتها المجتمعية

الجمارك بمدينة بورتسودان تقوم باستقبال وترحيل القادمين للمدينة وتوفير العديد من الخدمات وتوفير مجمع طبي وتقوم بتوزيع الوجبات ومياه الشرب

بورتسودان :شوتايم نيوز

بإشراف وتوجيه مباشر من مدير قوات مدير الجمارك الفريق شرطة حسب الكريم آدم النور قامت قوات الجمارك بدائرة جمارك البحر الأحمر بتشكيل لجنة لاستقبال القادمين من الخرطوم وتقديم خدمات الترحيل والاعاشة والخدمةالطبية كذلك.
وقال مدير قوات الجمارك أن الشرطة السودانية تقف جنبا إلى جنب مع المواطن وتقديم كافة الخدمات للمواطنين، موضحاً أن اللجنة لخدمة القادمين وتقديم خدمات الاستضافة والترحيل والاعاشة والخدمات الطبية ،وأن هذا العمل يأتي في اطارالمسؤلية المجتمعية للجمارك داعياً المولي عز وجل أن يحفظ البلاد والعباد وان ينعم السودان بالامن والاستقرار.

من جانبه أوضح مدير دائرة جمارك البحر الأحمر اللواء هاشم محمد أحمد الخليفة أن اللجنة تعمل بتناغم وانسجام تام وقد قامت بفتح نادي الجمارك بمدينة بورتسودان لاستقبال العائدين من الخرطوم وتوفير الترحيل من خلال عدد من الحافلات لنقل القادمين إلى داخل مدينة بورتسودان بجانب الاعاشة وتوفير مياه الشرب. من محطة اروينا لتحلية المياه التابعة للجمارك كما اكداستعداد جمارك البحرالاحمر وضع كافة امكانياتها لخدمة المواطنين

وأشار هاشم الي توفير وحدة علاجية مجانية (أطباء ممرضين وتقنين ) وعربة إسعاف لاستقبال الحالات المرضية وتقديم يد العون لكافة القادمين الي مدينة بورتسودان.

هتف مواطنون  عزل في وجه مجموعة سيارات تابع لمتمردي الدعم السريع ….ارجع بس ما دايرين دعامة …الجيش بس

الفيديو من هنا

نشرت الصفحة الرسمية لقوى الحرية والتغيير البوست المرفق وفيه تحريض واضح على الشرطة السودانية بزعم أن الملازم الواضح بالصورة يتبع للأمن الشعبي

والصورة لملازم من الدفعة 70ثانويين من الشرطة السودانية

حذرت عالمة الفضاءالسودانية بوكالة ناسا  الشهيرة بروفسور وداد المحبوب من أن تتحول الحرب في السودان إلى حرب عالمية وقالت المحبوب في تغريدة لها بصفحتها على فيسبوك:

اذا لم تتقبل كل الاحزاب واهل السودان جميعهم بعضهم البعض اتوقع حرب عالمية مقرها السودان من اجل الذهب حتى لا يكون في ايدي روسيا التي تستخدمه من اجل استمرارية الحرب على اوكرانيا. يا اهل السودان ماعندكم خيارات الا الاتحاد وتقبل بعضكم بعض. هذا هو الخبر اسفل يوضح بان روسيا ارسلت واقنر الى السودان وهنا توقعات ان تتدخل امريكا.

بالدارجى العميق

اموت انا فى الجزيرة

يوسف البروف

********************************

غادرنا الخرطوم الى القضارف تحت رجاءات وخوف ورعب الاطفال من الدانات والراجمات والطائرات، اكتر من عشرة ايام الواحد محاصر باسئلة من الاطفال وعاجز عن الرد، يا ابوى نحن حنموت؟، يا ابوى انت البرهان وحميدتى بتشاكلوا مالهم؟، يا ابوى ما حنشترى هدوم العيد؟ يا ابوى تانى ما حتكون فى مدارس؟ يا ابوى انت الطيارات البتضرب دى سواقينها عندهم اطفال؟ يا ابوى انت حميدتى والبرهان ديل عندهم اهل واطفال واخلاق؟، اطفالى تركوا سرايرهم وجوا ناموا معاى فى سريرى ظنا منهم ان ابوهم قادر يحميهم، فعلا ابوكم طيلة العشرة ايام دى حاميكم بحسبنا الله ونعم الوكيل ولا اله الا انت سبحانك انى كنت من الظالمين، عقدنا اجتماع مصغر وامنا على الأشياء التى تحمل لانو نحن فى حالة حرب، امنا على انو كل إنسان يعتمد على نفسو وعادى جدا الناس ممكن تمشى برجلينها اذا تعزرت وسائل النقل مسافات طويلة،  الشنطة بقدر الإمكان تكون خفيفة وزمزمية الموية والباتا والبلح، توكلنا على الحى الدائم وحتى موقف السلمة راجلين، من نعم ربنا على العباد انو كل أنواع العربات متوفرة وبأسعار متفاوتة، بطاحات ودفارت وقندورانات ونيسانات وفيتات ويصات وحافلات، غايتو اى زول عندو كانون شالو بغبارو ووقفوا فى الموقف، للامانة اصحاب العربات يشكروا على هذه الخطوة لانو الناس فى تلك اللحظة همها تخلى الخرطوم وراها ولو على ظهر اب قنفود، غادرنا ويا لهول المناظر فى الطريق، من الباقير وحتى الكاملين بين كل مية متر ومية متر يا دبابة محروقة ويا مصفحة محروقة ويا تاتشر محروق، المحزن كل الآليات تابعة للجيش السودانى، هنالك منظر أفظع من منظر حريق وتدمير الآليات الا وهو دمار الاخلاق، نساء ورجال واصحاب حمير واصحاب كوارو تقاسموا أصول الشركات والمصانع نهب وسرقة وسطو فى منظر اقل ما يوصف هو ان الانسان السودانى أصبح بلا ضمير وبلا اخلاق وبلا تربية وبلا شهامة وبلا وازع دينى، رجال يحملون على رؤوسهم كراسى جلوس ومراتب وشاشات وجبص وكمبيوترات وواحدين جارين ليهم ماكينات لحام فى نص الزلط بلا خجلة وفى وضح النهار، لكن للامانة فى وسط هذا القرف والاحباط والخجل والانكسار  كان انسان الجزيرة الاصلى باخلاقو وكرمو وبساطتو وجمالو وعفتو ضوء وسط هذه الظلمة، اهل الجزيرة تقاسموا الشارع من جياد وحتى مدنى حفاظات كبيرة مليانة موية باردة خدمة للهاربين من جحيم الحرب فى الخرطوم، أطفال ونساء ورجال شغالين كالنحل ترحاب وكلمات مواساة وتقديم خدمات عظيمة تعكس جمال الجزيرة الخضراء، سبحان الله حتى بائعى الحلويات والبسكويتات كان لهم جميل الهدايا والعطايا، شاب بسيط يحمل طبق وفى داخله بسكويتات يلقط رزقه بالحلال من خلال شباك الحافلة فاذا بخلودى يحمل بسكويت فى يدو، ناديت الشاب عشان اديهو حق البسكويت، قال لى ده هدية منى لهذا الشبل، بصراحة ترحاب وبشاشة وكرم اهل الجزيرة خفف عنا الكثير من معاناة ايام الدانات والراجمات، التحية لأهل الجزيرة والبركة فيكم فى وفاة بنتكم الجميلة  سارة محمد الأمين بنت بركات الدفعة بنت اداب التى راحت ضحية هذه الحرب اللعينة، للتذكير بس من كلية الاداب جامعة الخرطوم فى هذه الحرب العبثية فقدنا تلاتة نجوم،  ابكورة وسارة وابن اداب الذى دفن فى داخل الجامعة، التحية لابناء الجزيرة دفعتى فى جميلة ومستحيلة والتحية لابناء الجزيرة اصحابى فى كل مكان والتحية لحبايبى وهم كثر، اى زول من ابناء الجزيرة يقرا الكلام ده يوصلوا لاهلى فى الجزيرة ويقول ليهم البروف بحبكم وبحب اخلاقكم وبحب تربيتكم وبحب تنشئتكم وبحب طينتكم وبموت فى الخضرة والبساطة والكرم والجمال. لو كان لحميدتى والبرهان ربع اخلاق اهل الجزيرة لحافظوا على السودان واطفالو وترابو واخلاقو.

لو مت بدانة او طيارة ادفنونى فى الجزيرة، ده اذا قدرتوا تلموا ليكم فى شعرة من صوف جلدى.

ابن كردفان

يوسف البروف

ده عشان تعرفوا انو كاتب المقال ده ما من الجزيرة.