أحداث بارزة

قرأت هذه المقالة الرائعة على صفحة الاستاذمحمد طاهر بالفيسبوك يحكي بحب عن استاذه بجامعة الخرطوم فاردت أن أشارك القارئ الكريم بعضا من هذا النبل :

الفي الصورة دا أستاذنا د. Mohamed Yousif أستاذ بقسم الفيزياء جامعة الخرطوم، درَّس أجيال في كلية العلوم وعدد من كليات المجمع الطبي بالجامعة ولسه مسيرة عطاءو ورسالتو العلمية مستمرة.

دكتور محمد يوسف بالإضافة لشغلو في الجامعة، بمتهن بيع الخضار كعمل إضافي

حاليًا عامل مبادرة جميلة جدًا، بمشي يجيب خضار وفاكهة من السوق المركزي وببيعها بأزهار زهيدة للمواطن، بالرغم من إنو دي أيام تجارة أزمات واستغلال إلا إنو شغال عكس، شايف إنو دي أيام شدة فمفروض يقيف فيها مع الناس ويساهم في التخفيف عليهم.

على سبيل المثال الليلة كان عندو:
🔸الطماطم ٣ كيلو بـ ١٠٠٠ج
🔸البطاطس الكيلو بـ ٥٠٠ج
🔸القرع الكيلو بـ ٥٠٠ج
🔸الموز ٣ كيلو بـ ٢٠٠٠ج
🔸الجوافة الكيلو بـ ١٠٠٠ج

محلو في “الكلاكلة الدخينات – محطة القطية”.

بعد أن قامت القوات المسلحة السودانية بإطلاق سراح اسرة حميدتي من منطقة الفولة بغرب كردفان توجهت سياراتهم ….سيارتين لاندكروزر أوباما واتنين بوكس دبل قبين يستقلها كل من والدته (زهراء) وزوج شقيقته وبعض المعارف توجه الركب تلقاء مدينة الضعين ومنها سيتوجهون إلى الحدود مع أفريقيا الوسطى التي سيستقلون منها الطائرة إلى دولة أوروبية

تم ذلك بترتيب من دولة خليجية اصبحت تتحاشى التعامل مباشرة مع الرجل كونه أصبح في خبر كان

بوست على الواتس اب قامت بسرده إحدى السيدات وبرغم عفويته الا انه يؤكد أن قائد التمرد حميدتي كان يخطط للهجوم على القوات المسلحة بدليل انه اخرج زوجته وأبنائه من العاصمة قبل بدء الاشتباكات:

البوست على لسان سيدة قالت:

انا جات معاي اخت من القاهره تاجره بدون ذكر اسماء كانت بتجيب بضاعه لي اولاد حميدتي طلبيات واتصلت علي زوجة حميدتي من القاهره حتى  تحول ليها القروش بنكك وردت زوجة  حميدتي كانت بتقول ليها نحن طلعونا بعيدين مافي بنكك وانا ما فهمت  الكلام ده ولا المره التاجره الا يوم السبت لما  ضربت الخرطوم علما بأني وصلتا السودان الجمعه والسبت الحصل حصل

تم ايقاف أربعة سيارات في طريقها إلى دارفور وعليها حراسة عالية وبعد التقصير اتضح أنهم والدي قائد التمرد حميدتي الذي أراد أن يبعد اسرته من المحرقة التي نصبها للشعب السوداني بالعاصمة السودانية الخرطوم

ولكن بعد التعرف عليهم  صدرت توجيهات من القيادة فى الخرطوم باطلاق سراحهم فوراً بعد القبض عليهم بواسطة استخبارات غرب كردفان بالفولة ما يعني ان جيشنا يقاتل بأخلاق ومهنية

السلطات المصرية بعد الاحد القادم ستختم ختم لاجئ لاي سوداني قادم لمصر وسيتم ترحيله الي معسكر اللاجئين الجديد في توشكي.

هذا الختم معتمد من الامم المتحدة وستستلم مصر علي اثره مبالغ من الامم المتحدة المفروض تذهب لاعاشة اللاجئي وطبعا لن يرحل لشقة بل سيكون في الخيام ويتغذي بالفول والعدس والرز المسوسة والمصيبة انك علي اثر هذا الختم لن تستطيع العمل والاقامة في دول الخليج…

هتف مواطنون  عزل في وجه مجموعة سيارات تابع لمتمردي الدعم السريع ….ارجع بس ما دايرين دعامة …الجيش بس

الفيديو من هنا

حذرت عالمة الفضاءالسودانية بوكالة ناسا  الشهيرة بروفسور وداد المحبوب من أن تتحول الحرب في السودان إلى حرب عالمية وقالت المحبوب في تغريدة لها بصفحتها على فيسبوك:

اذا لم تتقبل كل الاحزاب واهل السودان جميعهم بعضهم البعض اتوقع حرب عالمية مقرها السودان من اجل الذهب حتى لا يكون في ايدي روسيا التي تستخدمه من اجل استمرارية الحرب على اوكرانيا. يا اهل السودان ماعندكم خيارات الا الاتحاد وتقبل بعضكم بعض. هذا هو الخبر اسفل يوضح بان روسيا ارسلت واقنر الى السودان وهنا توقعات ان تتدخل امريكا.

بالدارجى العميق

اموت انا فى الجزيرة

يوسف البروف

********************************

غادرنا الخرطوم الى القضارف تحت رجاءات وخوف ورعب الاطفال من الدانات والراجمات والطائرات، اكتر من عشرة ايام الواحد محاصر باسئلة من الاطفال وعاجز عن الرد، يا ابوى نحن حنموت؟، يا ابوى انت البرهان وحميدتى بتشاكلوا مالهم؟، يا ابوى ما حنشترى هدوم العيد؟ يا ابوى تانى ما حتكون فى مدارس؟ يا ابوى انت الطيارات البتضرب دى سواقينها عندهم اطفال؟ يا ابوى انت حميدتى والبرهان ديل عندهم اهل واطفال واخلاق؟، اطفالى تركوا سرايرهم وجوا ناموا معاى فى سريرى ظنا منهم ان ابوهم قادر يحميهم، فعلا ابوكم طيلة العشرة ايام دى حاميكم بحسبنا الله ونعم الوكيل ولا اله الا انت سبحانك انى كنت من الظالمين، عقدنا اجتماع مصغر وامنا على الأشياء التى تحمل لانو نحن فى حالة حرب، امنا على انو كل إنسان يعتمد على نفسو وعادى جدا الناس ممكن تمشى برجلينها اذا تعزرت وسائل النقل مسافات طويلة،  الشنطة بقدر الإمكان تكون خفيفة وزمزمية الموية والباتا والبلح، توكلنا على الحى الدائم وحتى موقف السلمة راجلين، من نعم ربنا على العباد انو كل أنواع العربات متوفرة وبأسعار متفاوتة، بطاحات ودفارت وقندورانات ونيسانات وفيتات ويصات وحافلات، غايتو اى زول عندو كانون شالو بغبارو ووقفوا فى الموقف، للامانة اصحاب العربات يشكروا على هذه الخطوة لانو الناس فى تلك اللحظة همها تخلى الخرطوم وراها ولو على ظهر اب قنفود، غادرنا ويا لهول المناظر فى الطريق، من الباقير وحتى الكاملين بين كل مية متر ومية متر يا دبابة محروقة ويا مصفحة محروقة ويا تاتشر محروق، المحزن كل الآليات تابعة للجيش السودانى، هنالك منظر أفظع من منظر حريق وتدمير الآليات الا وهو دمار الاخلاق، نساء ورجال واصحاب حمير واصحاب كوارو تقاسموا أصول الشركات والمصانع نهب وسرقة وسطو فى منظر اقل ما يوصف هو ان الانسان السودانى أصبح بلا ضمير وبلا اخلاق وبلا تربية وبلا شهامة وبلا وازع دينى، رجال يحملون على رؤوسهم كراسى جلوس ومراتب وشاشات وجبص وكمبيوترات وواحدين جارين ليهم ماكينات لحام فى نص الزلط بلا خجلة وفى وضح النهار، لكن للامانة فى وسط هذا القرف والاحباط والخجل والانكسار  كان انسان الجزيرة الاصلى باخلاقو وكرمو وبساطتو وجمالو وعفتو ضوء وسط هذه الظلمة، اهل الجزيرة تقاسموا الشارع من جياد وحتى مدنى حفاظات كبيرة مليانة موية باردة خدمة للهاربين من جحيم الحرب فى الخرطوم، أطفال ونساء ورجال شغالين كالنحل ترحاب وكلمات مواساة وتقديم خدمات عظيمة تعكس جمال الجزيرة الخضراء، سبحان الله حتى بائعى الحلويات والبسكويتات كان لهم جميل الهدايا والعطايا، شاب بسيط يحمل طبق وفى داخله بسكويتات يلقط رزقه بالحلال من خلال شباك الحافلة فاذا بخلودى يحمل بسكويت فى يدو، ناديت الشاب عشان اديهو حق البسكويت، قال لى ده هدية منى لهذا الشبل، بصراحة ترحاب وبشاشة وكرم اهل الجزيرة خفف عنا الكثير من معاناة ايام الدانات والراجمات، التحية لأهل الجزيرة والبركة فيكم فى وفاة بنتكم الجميلة  سارة محمد الأمين بنت بركات الدفعة بنت اداب التى راحت ضحية هذه الحرب اللعينة، للتذكير بس من كلية الاداب جامعة الخرطوم فى هذه الحرب العبثية فقدنا تلاتة نجوم،  ابكورة وسارة وابن اداب الذى دفن فى داخل الجامعة، التحية لابناء الجزيرة دفعتى فى جميلة ومستحيلة والتحية لابناء الجزيرة اصحابى فى كل مكان والتحية لحبايبى وهم كثر، اى زول من ابناء الجزيرة يقرا الكلام ده يوصلوا لاهلى فى الجزيرة ويقول ليهم البروف بحبكم وبحب اخلاقكم وبحب تربيتكم وبحب تنشئتكم وبحب طينتكم وبموت فى الخضرة والبساطة والكرم والجمال. لو كان لحميدتى والبرهان ربع اخلاق اهل الجزيرة لحافظوا على السودان واطفالو وترابو واخلاقو.

لو مت بدانة او طيارة ادفنونى فى الجزيرة، ده اذا قدرتوا تلموا ليكم فى شعرة من صوف جلدى.

ابن كردفان

يوسف البروف

ده عشان تعرفوا انو كاتب المقال ده ما من الجزيرة.

اختفاء غامض لرجل أعمال شهير وأسرته تناشد

الخرطوم :شوتايم

تابع محرر شوتايم نيوز مناشدة من عائلة رجل الأعمال الشهير صديق إسماعيل مؤسس مجموعة صرافات ومصانع آخرها مصنع عين للمحاليل الوريدية والذي اختفى قبل أيام:

‏ابوي ليهو ٦ ايام مفقود. دا اكتر زمن انا عشتو من غير ما اسماع صوتك يا بابا.الحاجه دي صعبه شديد و ما بتمناها لي اي زول..ابوي اسمه صديق اسماعيل محمد طاهر، عمره ٦٩ سنه و بياخد ادوية يومياً لي قلبو و ضغط، شغال رجل اعمال، مرق من الملازمين لي نمره ٢ لكن ما وصل.ارجوكم شيرو البوست دا
#منقول
#تعديل

ارجو الافاده
‏لم يتم العثور عليه
‏الاسم :صديق اسماعيل محمد طاهر
‏كان لابس قميص ازرق وبنطلون رمادي والنظارات
‏ارجو الاتصال او ارسال رساله ٠٠٢٤٩٠١٢٣٣٠٣٨
‏٠٠٢٤٩٩١٢٢٤٩٨١٠
‏نتوقع انه لم يصل للخرطوم ٢ بين الملازمين وبحري شمبات