بسم الله الرحمن الرحيم
يقول الله سبحانه وتعالى في محكم تنزيله ( اذا جاءكم فاسق بنباء فتبينو له ان تصيبو قوما بجهاله وتصبحو على ما فعلتم نادمين)
جماهير الشعب السوداني الأبي ومحبين العداله والحق
نحن اهل وعشيره المغدور العميد / على محمد بريمه حماد رحمه الله رحمه بواسع فضله وغفرانه
انتشر في الأيام الماضيه منشور يدعي قرابته وصلته بالمغدور وفبركه الحقايق والحاصل…. الغرض منها تسيس القتل…. وتنفيذ اجنده وتضليل للرأي العام… والعداله
نحن اسره المرحوم الخبر المتداول من صفحه هاجر احمد حماد لا يملثنا ولا نعرفها وليست لها صله بالعميد لا من قريب ولا بعيد
وسنتخذ ضدها الإجراء اللازم هي وكل من يفبرك ويدعى ويكتب على اهواءه
ثم ثانيا
رساله الى اجهزه الإعلام المقروء… والمسموع… والمكتوب والمرئ
عليكم بتحري الخبر من مصادره المعروفه المكونه من الأسره متمثله في اللجنه القانونيه… والاعلاميه والا ستعرض نفسك والمؤسسه الصحفيه للمحاسبه القانونيه
إليكم نص الادعاء الكاذب وسيتم محاسبته وكشفه للرأي العام وآمن المعلوماتية
هذه نص الفبركه!!!! 👇
✍رسالة من قريبة العميد المغدور بريمة إلى الشعب السوداني
السلام عليكم ورحمة الله وبركاته انا قريبة العميد المغدور علي بريمة حماد نسأل الله أن يغفر له ويرحمه والله كان نعم السند والأب وكل الاهل يشهدون له بذلك وما بقصر من اي شخص في الأسرة حتى في المناسبات البعيدة لو حضر بتصل تلفون وبعتذر غير المساعدات المالية القاعد يقدمها للإقارب وخصوصا الطلاب
اي طالب كان بتربطو علاقة بالمرحوم وهو عارف ظروفه كان بساعدو نسأل الله أن يصبرنا على فراقه والله الخبر كان زي الصاعقة بس الحمد لله لله ما أعطى وله ما أخذ..
ما عايزة ادخل في تفاصيل كتيرة بس الرسالة العايزة اوصلها لكل مواطن سوداني إنو عمو ده عمرو ما كان ظالم لزول وكاب بجبر بخاطر إي زول ودائما بتذكر وبذكر الناس بيوم الحساب
والله انا ما عارفة اقول شنو بس دي مسؤولية انحنا متأكدين تماما إنو المهتمين في القضية دي ديل ما الجناة الحقيقين وعارفين كمان إنو في حلقة مفقودة في الموضوع ده وكل الكلام الاتقال في رواية الشرطة ما حقيقي الشهيد كان في إجازة من يوم 9شهري1/ كان بعاني من إرتفاع في الضغط والصداع المستمر ويوم 12 حوالي الساعة 7مساء في جماعة جو في البيت وطلع اتكلم معاهم ورجع شال النظارة والجذلان وقال شوية كدة وبرجع وما رجع اتصل حوالي الساعة 12 ونص في نفس اليوم وقال ملابس الشغل والعلاج في زول بجيكم ادوها ليهو وانا ما جاي بايت وبجي بكرة فعلا جا الزول وتاه من البيت لانو جديد ولابس مدني كان دائما بجي البيت واحد اسمو ياسين لو مرسل لحاجة او جايب حاجة بس المرة دي الزول ده اول مرة يجي استلم الملابس وطوالي رجع وفي اليوم التاني يوم 13حوالي الساعة9 تلفون الشهيد مغلق رجعنا للسواق قال ما معاهو وتاني رجع السواق وقال الشهيد في إجتماع حتي المكالمة موجودة في نفس اليوم القالو مات فيهو قبل نسمع الخبر كمية من التلفونات بتسأل من الشيء الحاصل والسمعوه
ومافي زول مستوعب حاجة لحدي ما الشرطة أعلنت خبر الوفاة
مع إنو قبل أعلن خبر الوفاة معظم الاهل كانو عارفين وسمعو الخبر ووصلو البيت وقعدو بالساعات حتى الخبر تم الإعلان عنه
“” الخلاصة””
الشهيد ده اتغدر بيهو من جهة مجهولة ما قادرة اتهم جهة بعينها
ولو تتذكرو في ظابط بتاع مرور طلع لايف وقال نفس تفاصيل الحادثة وكل المعلومات القالها صاح بس ما ذكر النقطة بتاعت إنو الشهيد اتصل الساعة 12ونص بنفس رقمو وطمنا عليهو والحاجة المهمة في كلام الظابط ده قال إنو في مضاربة تمت بين العميد وضابط معاهو والكلام ده فعلا الشهيد كان معترض على تسليح القوة الكان مسؤول منها وكان مسؤول من كل المركبات البتحمي قطاع شروني والحاجة العارفنها إنو الشهيد كان لدرجة بفتش العساكر وبجمع منهم حتى السلاح الأبيض حتى السكاكين بجمعها من العساكر وناس الاحتياطي وناس الاحتياطي اعترفو فعلا بوجود مشاجرة بين الشهيد وضابط برتبة المقدم وانو ختو في الايقاف..
#نطالب- العدالة -والقبض -على الجناة