بابكر سلك : الهلال ما حا يربع يدينو

*لن نهزم الهلال بالأمنيات والتمنيات .
*بل بالمسؤولية والرغبة الأكيدة .
*لازم الجميع يقوموا بدورهم كامل .
*إعداد نفسي (أهم زول).
*إعداد بدني .
*تكتيك مناسب .
*إنضباط تكتيكي.
*نية بيضاء من الجميع تصنع النصر .
*فالهلال له نفس الرغبة والدوافع .
*ما حا يجينا مربع إييدينو.
*حا يشتغل .
*وبالذات المرة دي عندو عدة شغل كويسة.
*مدرب كويس ومستقر.
*بصماتو ظهرت على شكل آداء الهلال.
*فأصبح آداء الهلال يقوم على الضغط على الخصم في كل الخطوط وبإجادة.
*وتخلص الهلال من مساحة كبيرة من مساحات فقدانه للكرة .
*يتناقلون الكرة بدون شفقة للوصول للمرمى.
*وإن كانت كثرة التحضير لسة موجودة .
*إلا أن سرعة (الغربال) وياسر مزمل بتعوض الزمن الراح في التحضير.
*لذا نخلينا من الثقة بالأمنيات .
*ونحترم الهلال والتطور الذي طرأ على آدائه.
*كي نهزم الهلال .
*غير كده وداعاً. مجموعات إفريقيا من اللفة التانية .
*أيها الناس.
*في اليومين الفضلن ديل.
*على الجهاز الإداري المرافق.
*أن يمتص كل السلبيات
*ويحقق استقراراً نفسياً للجهاز الفني واللاعبين.
*وأن يبعد عن الشحن الزائد.
*نحن دايرين نغلب الهلال.
*والحتة دي ما لعب.
*شغل.
*شغل دؤوب كمان.
*عشان كده نبعد عن الأمنيات بدون عمل.
*نبعد عن الاستهتار بالخصم .
*ونبعد عن المخالفات حول منطقة الجزاء وداخلها.
*فهذا الحكم إشتهر بالبطاقات الحمراء وضربات الجزاء .
*إذا عملنا ده كلو ونفذناه تسعين دقيقة .
*حا نحتفل بالفوز على الهلال .
*وتجوب المسيرات شوارع قاهرتنا.
*ويلاقي موكب الدقي موكب ستة وعشرين يوليو بالعتبة قبالة قهوة زهرة الميدان .
*أوله بالعتبة وآخره بدار القضاء العالي جمب فندق كارلنتون.
*اللهم أنصر المريخ.

الانتباهة
*فنحن في أمس الحاجة لتلك النقاط يا رب العالمين.
*أيها الناس.
*أتمناها عالية المستوى الفني رفيعة المستوى الأخلاقي من الجانبين.
*ده السودان يا أخوانا
*ومهما كان، أنا وأخويا على إبن عمي.
*فلا تسمحوا لإبن عمي يخش بيني وأخي .
*وماتنسوا.
*الهلال ما حا يجينا مربع إييدينو .
*أيها الناس .
*إن تنصروا الله ينصركم.
*أها .
*نجي لي شمارات والي الخرتوم .
*والينا المكلف بينا.
*طالما مصر بتعتبرنا من مواطنيها .
*ممكن نترس في الموسكي يا أخينا .

سلك كهربا

ننساك كيف والكلب قال مصر دي جنها وجن التروس والضروس والروس .
وإلى لقاء.