] لاتسلني.
] ما تسألني.
] عن أجانب المريخ .
] خبر بفلوس بكرة ببلاش.
] ولا تصدق خبر ضم لاعب إلا تشوفو بشعار المريخ جاري في الميدان في مباراة رسمية .
] وإذا فقدت لاعب من القدامى.
] ماعليك إلا تقول ياجامع يارقيب.
] تيري.
] ياجامع يارقيب.
] لأن الذين إعتادوا على الأقتيات من المريخ.
] هم أنفسهم الذين يرفعون سعر اللاعب على المريخ.
] وبقولوا أنهم مريخاب.
] كل زول حر في رقبتو.
] يقول عليها مريخابي مامريخابي.
] لكن نحنا كمان حرين.
] نطلق عليهو سمسار بوبار كما يحلو لنا .
] تيري مهم .
] والتجديد له والتمديد مهم.
] لكن لكل شيء سقف معين.
] والأندية الكبيرة تضع سقفاً للحاجات دي.
] وفي دي إن شاء الله نبقى كبار.
] المهم .
] لكل مذكر مؤنث.
] ولكن مؤنث مذكر.
] كديس وكديسة.
] كبير وكبيرة.
] صابر وصابرة.
] حميد وحميدة.
] وفي اللغة الحديثة إبراهيم وإبراهيما.
] قلت لي عندنا أندية كبيرة في البلد دي!!!!!.
] وسمعنا بالمدارس المختلطة.
] لكن أندية مختلطة دي جديدة علينا.
] الرائدات فريقهن براهن.
] يعني مامعقول رائدات يلعبن في فريق(الرواد).
] لكن بتحصل.
] يمكن الحركة دي تعتبر حركة وطنية.
] عشنا وشفنا.
] فطومة .
] وينك يا أختي.
] القصة هاصت.
] حميدة تتسجل في فريق حميد؟.
] في عهدك يافطومة لو حصلت حاجة زي دي كان قلتي أجي يا البرقش.
] المهم .
] في زول(ألجن).
] وفي زول (ألدغ).
] وظهر مؤخرا زول(ألدض).
] الألدض ده هو البنطق الدال ضاض.
] يعني لو عايز يقول ديك.
] بقول ضيك.
] أها
] الرشيد منقة.
] إبن أخ أحمد منقة .
] قال لي.
] قريبنا الدض.
] هلالابي كبير.
] فاتح قناة الهلال.
] فوووق في كتابة بقرأ فيها بالصوت العالي .
] الهلال مارض إفريقيا.
] طبعاً هو الدض.
] بنطق الدال ضاض.
] والرشيد عارفو الضد ورغم كده قال ليهو صدقت.
] المهم .
] اليومين دي سكري المريخ مابظهر في الفحص .
] لامعروف فوق لامعروف تحت.
] مافي زول عارف حاجة .
] ودي أخطر مرحلة من مراحل السكري .
] والسكري مرض خطير ولايوق .
] كان مسك مابفوت.
] وسكرينا ماسك قوي.
] زمااااان.
] لما السكري مسكنا جديد .
] قلنا أتبعوا تعليمات الطبيب.
] ماسمعتوا كلامنا .
] مشيتوا على العلاج البلدي .
] شربتو لالوب وحلبة وأكلتوا نيم.
] وبدل ترجعوا للطبيب.
] استعنتوا بشيخ فلان وشيخ علان.
] لما السكري أتمكن.
] ورجعتوا للطبيب.
] ولكن بعد السكري أصبح واقع.
] غايتو نحافظ عليهو ونتعايش معاهو لما يقضي ربك أمراً.
] قال مرض صديق قال.
] أيها الناس.
] إن تنصروا الله ينصركم.
] أها.
] نجي لي شمارات والي الخرتوم .
] كان شفت يا والينا.
] الليلة المدارس فتحوها لينا.
] هل في بص يودينا؟.
] إذا قلنا ترحيل.
] منو البدفع لينا؟.
] في كهربا المراوح في المدارس تدور لينا؟.
] في موية تروينا؟.
] في فطور سعرو معقول بتباع لينا؟.
] ولا فتحتوها ساااااااي يا والينا؟.
سلك كهربا
ننساك كيف والكلب قال حيرتوا القرادة الحيرت بوبي.
وإلى لقاء.
سلك
الانتباهة